Blog

Vitamien A is ’n vet-oplosbare vitamien waarvan ekstra in die liggaam gestoor word. Meeste mense reken vitamien A is net daar vir oog gesondheid, maar vitamien A speel ook ’n rol in sel groei, fetus ontwikkeling, reproduksie, ondersteun die immuunstelsel en vel en haar gesondheid. Vitamien A kom natuurlik as retinol in ’n verskeidenheid van voedsel soos suiwel, lewer en vis voor. Baie groente en vrugte bevat karotenoïede, wat ook ’n vorm van vitamien A is. Dis gewoonlik die oranje groente en vrugte asook die donker blaargroente. ’n Dieet hoog in karotenoïede word geassosieer met ’n laer risiko vir siektes soos diabetes, long kanker en hart siektes. ...

Ek het Biologie geneem in die hoërskool — tot graad 12 toe. Tóé het ek nog drome gehad daarvan om dalk eendag medies te gaan studeer; ek wou graag my opsies oophou. Dít het natuurlik nooit gerealiseer nie, maar ek glo darem nie dat om Biologie te gestudeer het ’n fout was nie. Dit was ’n ervaring en ek het vreeslik baie lewensvaardighede geleer. Iets wat ek nou nog onthou is hoe ons rympies gemaak het om al die verskillende vitamienes te leer en hoekom elke vitamien belangrik is. Toe ek navorsing doen vir vandag se stukkie, het ek weer aan hierdie rympies gedink. ...

Ons het reeds geleer dat wanneer die liggaam kos verteer, kalorieë vrygestel word wat as energie gebruik kan word. Ons het ook geleer dat oortollige kalorieë as vet gestoor word. Jy kan alleenlik van hierdie “gestoorde kalorieë” ontslae deur dit te gebruik (verbrand), en dit gebeur net wanneer jou liggaam energie benodig wat dit nie op ’n ander manier kan kry as om dit daar te gaan soek nie. Daar is drie komponente wat jou liggaam vir energie kan verbrand: koolhidrate (glukose en glikogeen), vet en spiere. ...

Wanneer ons liggaam die voedsel wat ons eet verteer stel hierdie voedsel energie vry. Verskillende kos bevat verskillende aantal kalorieë, is nie ewe dig in kalorieë nie en het ook nie dieselfde voedingswaarde per kalorie nie. Wanneer jy egter meer kalorieë inneem as wat jou liggaam nodig het, skei jou liggaam nie die oortollige kalorieë uit nie. Nee, jou liggaam bêre daardie oortollige kalorieë as vet. Vet is dus energie wat gestoor word. ...

Ons liggaam het energie nodig vir ons basiese lewensprosesse - soos ons hartklop, asemhaling, spysvertering en bloed sirkulasie - en om te kan beweeg. Mense is nie soos plante wat energie van die son af verkry nie. Ons moet die energie wat ons nodig het inneem deur om te eet. Wanneer ons liggaam die voedsel wat ons eet verteer stel hierdie voedsel energie vry. Energie word in kalorieë gemeet. Kalorieë is nie die enigste eenheid waarin energie gemeet kan word nie. Trouens, dis nie eers die metrieke eenheid vir energie nie, Joule is die metrieke eenheid vir energie. Kalorieë is wel ’n algemene eenheid en om verwarring te voorkom gaan ek nie oor Joule ook praat nie. Weet net dat kalorieë en Joule beide eenhede is om energie in meet – dit beteken dieselfde ding en mens kan tussen die eenhede oorskakel. ...

Ek kan nie alles wat my liggaam nodig het om van te lewe self produseer nie, daarom moet ek eet en drink. Om te verseker dat my liggaam optimaal kan funksioneer moet ek inneem wat dit nodig het. Wat het my liggaam nodig? Ons heel basiese fisiese liggaamlike behoeftes is die volgende: Energie (brandstof) Vitamienes Minerale Proteïne Vette Koolhidrate en Water ’n Gesonde dieet sluit al die bogenoemde in. Die liggaam benodig wel nie presies ewe veel van alles nie, en dít is gewoonlik waar die geneuk inkom. ...

Dis altyd goed om te begin met ’n hoekom-vraag. Só ook, voel ek, in die geval van gesond eet. Hoekom moet jy eet? Die eenvoudigste antwoord hierop is seker: “Ek moet eet omdat my liggaam kos nodig het.” En dít is waarskynlik een van die redes waarom ’n kosverslawing so vreeslik moeilik is om te bestuur - want jy word elke dag met voedsel gekonfronteer. Dis nie iets wat jy kan vermy nie. Nee, jy moet leer om daarmee saam te lewe. ...

(#1 van ek weet nie hoeveel nie) Iets wat vir my hierdie jaar opgeval het van die vier Kopskuif kursusse (die laaste ene het nog so ‘n paar dae oor) is hoe min mense weet hoe om gesond te eet. Ek reken dat hoe om gesond te eet ‘n basiese lewensvaardigheid wat ons van kindsbeen af leer behoort te wees — tog… Die skole probeer. Ouers probeer. Tendense probeer — gewoonlik verkeerd. Op die ou einde weet niemand eintlik nie. ...

Die liewe vinnige einde (vervolg) Vanoggend se oefensessie was besonderlik uitdagend. Jateen het dit goed gedink om vir my presies dieselfde sessie spesifikasie as laas week Woensdag te gee - wat ek reken ’n goeie ding is. Ek sukkel om te versnel gedurende die laaste derde van ’n hardloop sessie. En as sagteware ingenieur glo ek dat een van die maniere om ’n probleem aan te spreek, is om jouself so gereeld as moontlik daarmee te konfronteer. Dus … my houding vanoggend was om die bul by die horings te pak en vandag se uurlange “vinnige einde”-sessie my alles te gee. ...

Ek het nie gister gedraf nie want hoe meer ek probeer het om by die pad uit te kom, hoe meer het ek myself in die badkamer bevind. Lateraan het ek maar my oefenklere gaan uittrek en aanvaar dat ek nie ’n 45-minute draf gaan kan deursien nie. Dit wil vir my voorkom asof ek weereens met ’n blaas- of urienweg-onsteking sukkel. Dis óf dit óf die amper 5 cm groot sist wat in Maart maand tussen my blaas en baarmoeder gevind is wat nou weer probleme gee. Ek moes in Mei maand gegaan het vir ’n opvolg hiervoor, maar tóé het dit vir my gevoel asof dit beter raak, en ek het net-net begin oefen vir die marathon – toe gaan ek nie… Ek het darem nou geskrik en ’n afspraak vir volgende Woensdag gemaak (wat die vroegste afspraak was wat ek kon kry). ...