Blog

Die liggaam gebruik proteïene vir: die groei en herstel van weefsel, selle en spiere, die instandhouding van gesonde vel, hare en naels, die vervaardiging van hormone, die vervaardiging van nie-essensiële aminosure, die ondersteuning en bevordering van ’n gesonde immuunstelsel, die afbreek van voedsel en ondersteuning van ’n gesonde spysvertering stelsel, en as ’n bron van energie Om al hierdie funksies suksesvol te kan verrig is die aanbevole hoeveelheid per kilogram liggaamsgewig van elke essensiële aminosuur wat ons nodig het: ...

Die voedsel piramide was deel van my graad 3’tjie se lewensvaardighede werk verlede week. Hulle leer dat proteïene soos boublokkies is, en dat dit is wat ons liggaam gebruik om ander selle mee te maak. Dis waar. Proteïene is ’n essensiële nutriënt - ’n boublok - wat ons liggaam nodig het nuwe selle te vervaardig en beskadigde selle te kan vervang. Elke liewe sel in ons liggaam bevat proteïene. Proteïene bestaan uit aminosure wat in lang kettings aanmekaar vas is. Daar is twintig verskille tipes aminosure en die orde en kombinasie van aminosure is wat die funksie van proteïene bepaal. Ons liggaam het al twintig verskillende aminosure nodig, maar kan nege van hierdie twintig nie self vervaardig nie. Dit beteken dat ons hierdie nege moet inneem deur dit wat ons eet. Hierdie nege aminosure staan bekend as die essensiële aminosure. ...

Baie glo hierdie. Sommige glo dit so sterk dat hulle nie eers wil begin probeer nie. Wanneer iets oor iemand se gewigverlies geskryf word op sosiale media is daar amper altyd kommentaar in die lyn van “Ja, dis alles goed en wel, maar dis die afhou wat die probleem is.” Jis, ek het ’n broertjie dood hieraan. Ek daag hierdie siening uit en glo dat die enigste manier vir dit om nie waar te wees nie, is om daardie “Vettie”-etiket van jouself af te ruk en te verbrand. Dis nie net jou lewenswyse wat moet verander nie, maar ook jou identiteit.

Dis dalk meer kompleks en minder rigied, maar ’n gesonde eetplan is soortgelyk aan die resep om ’n koek te bak. Los een bestanddeel uit of vervang iets met iets anders, en die koek gaan waarskynlik flop. (Soos wat ék onlangs geleer het toe ek my uiters betroubare Wortelkoek resep probeer aanpas het.) In hierdie “Riglyne Rondom Gesond Eet”-reeks is daar dusver baie gekyk na mikro-nutriënte - dit sal nou seker wees soos die bakpoeier en die knippie sout in ’n resep. ’n Gesonde eetplan bestaan egter ook uit makro-nutriënte, en nog ander elemente waarby ons later gaan uitkom, soos Proteïne, Koolhidrate en Vette, wat ook belangrik is en elkeen ’n doel verrig - ja, selfs vette en koolhidrate. ...

Ek wil jou iets van introspeksie vertel: dis nie maklik nie. Dis nie ’n antwoord of iemand wat sê daar is jou probleem, en wanneer jy dit weet dan kan jy daarop ’n pleister gaan plak en dit word gesond nie. Nee. Introspeksie is moeilik. Dis ure lank in jou eie geselskap sit en dinge oordink en analiseer. Dis goed wat jy lankal van vergeet het gaan oopkrap en jouself toelaat om weer daardie seer te herleef. Dis jou “A-ha”-oomblikke en ontdekkinge met iemand anders met meer insig deel, so rou en seer as wat dit ook al mag wees. Dis ’n diep, intense en passievolle soeke na verstaan, begrip en genesing. Dis om empatie met jouself te hê. ...

Ek sê soms vir my hardloop afrigter: “Dit voel vir my asof al die ander hardlopers hierdie hardloop ding heeltemal bemeester het. Hoekom sukkel ek so? Hardloop is dan tog iets wat natuurlik moet wees.” En sy sal antwoord: “Dis nie waar nie. Almal sukkel! En om goed te kan hardloop is iets wat mens moet leer om te kan doen.” Met eet het dit ook vir my so gevoel - dalk nou nog… Alhoewel ek ook sal erken dat dit die laaste tyd vir my voel asof ek wel besig is om my ritme te vind. ...

My jongste het gisteraand by ’n maatjie oorgeslaap. Haar maatjie se mamma het foto’s aangestuur van die feestelikhede en ek het vir ’n hele rukkie na die glimlaggende graad 3 gesiggies in gedagte gestaar. Hulle lewenspaaie is nou al vir ’n paar jaar al verweef - van babasentrum tye, na voorskool en later laerskool. Daar was heelwat geleenthede gedurende hierdie jare vir nuwe dinge begin en bang wees. Voorskool toe gaan. Laerskool toe gaan. Eerste keer ’n toespraak voordra. Eerste keer gaan oorslaap. Nietemin - hier is hulle nou: glimlaggende gesiggies op my foon. ...

Ek dink ons almal wil graag gemaklik lewe. Dis egter onmoontlik vir die lewe om altyd gemaklik te wees. Baie keer is die lewe moeilik, seer of uitdagend. Ek koester die dae wat ek wel net rustig kan wees met ’n boek om te lees en nie veel om te doen nie. Maar sulke dae kan ook nou nie elke dag wees nie - daarvoor sal ek tog wel moeg raak. ...

Ek het nou net een van die Bloedskenk se Yster-pilletjies gedrink en gedink hoe vreemd dit is dat die spoor-minerale almal so saam gegroepeer word – so amper asof hulle nie só belangrik is wat die ander minerale is nie. Tóg is Yster spesifiek iets wat ek amper my hele lewe lank al mee sukkel en vir my is dit wel ’n baie belangrike nutriënt. Spoor-minerale word so genoem omdat die liggaam nie baie daarvan nodig het nie – hierdie is ’n geval van klein maar kragtig. Van die spoor-minerale is onder andere Yster, Sink, Selenium, Mangaan, Koper, Jodium en Fluoried. ...

In die eerste plek is dit moeilik om konsekwent en met motivering ’n onvolhoubare dieet te volg. Mense is geneig om dieet as tydelike marteling te sien wat nou maar verduur moet word totdat die kilogramme verdwyn het. Ek en my sussie het al in die verlede vir mekaar gesê ons wens ons kan net gewig verloor sodat ons weer “normaal” kan eet. Ons idee van normaal was egter heeltemal verwronge. Kies om ’n leefstyl verandering te maak. ...